माजी पंतप्रधान अटलबिहारी वाजपेयी यांच्या जयंतीनिमित्त आष्ट्यात आभा कार्डचे मोफत वाटप करण्यात आले. भाजपचे जिल्हाध्यक्ष निशिकांत भोसले पाटील यांच्या मार्गदर्शनाखाली आष्टा शहरात आयुष्यमान भारत कार्ड मोफत काढून देण्याचा मेळावा भारतीय जनता पार्टी कार्यालय आष्टा येथे आयोजित केला होता.
उत्स्फूर्तपणे लोकांनी या मेळाव्याला प्रतिसाद दिला. 200 हून अधिक लोकांचे आयुष्यमान कार्ड काढण्यात आले. सात दिवस हा मेळावा राबविण्यात येणार आहे. यावेळी भारतीय जनता पार्टी युवा मोर्चा वाळवा तालुकाध्यक्ष व निशिकांत दादा युथ फाऊंडेशन संस्थापक अध्यक्ष प्रवीण माने, मोहन पवार, दीपक कोळी, नरेश घाडगे, कार्यालयीन सचिव रविराज चव्हाण, विशाल आडके, अविनाश अवताडे व नागरिक उपस्थित होते.
