आजच्या वाढत्या बँकिंगच्या काळात आपल्यापैकी बरेच जण अनेक बँकांमध्ये अकाउंट उघडतात. अनेक खाती असण्याची वेगवेगळी करणे – वेगवेगळ्या आर्थिक उद्दिष्टांचे व्यवस्थापन करण्यापासून ते सर्वोत्तम ऑफर आणि सुरक्षितता शोधण्यापर्यंत – असू शकतात. मात्र, आजच्या काळात लोक नवीन बँक अकाउंट ओपन करतात पण जुनी खाती बंद करायला विसरतात.
तुमच्या नावावर एकापेक्षा जास्त बँक खाती असतील तर तुमच्यावर अनावश्यकपणे अनेक प्रकारचे शुल्क आकारले जाऊ शकते. त्याचवेळी, तुमचा CIBIL स्कोअर देखील खराब होऊ शकतो. एकापेक्षा जास्त बँक खाती असण्याचे तोटे काय आहेत पाहूया.
एकापेक्षा किती बँक खाती उघडायची याबाबत कोणतीही मर्यादा नाही. तुम्ही तुमच्या उद्दिष्टांनुसार एक किंवा अधिक बँक अकाउंट उघडू शकता. तुमच्या उद्देशांसाठी अनेक बँक खाती व्यवस्थापित केल्याने तुम्हाला तुमचे ध्येय अधिक प्रभावीपणे साध्य करण्यास मदत होऊ शकते. म्हणूनच, एकापेक्षा जास्त खाती असणे ही एक धोरणात्मक रणनीती असू शकते, ज्यामुळे तुम्ही बचतीला दैनंदिन खर्चापासून वेगळे करू शकता.
एकापेक्षा जास्त बँकांमध्ये खाते असल्याने प्रत्येक खाते चालू ठेवण्यासाठी तुम्हाला एक निश्चित रक्कम ठेवावी लागते. म्हणजे तुमचे एकापेक्षा जास्त खाती असतील तर पैसे अडकून राहू शकतात. त्या रकमेवर तुम्हाला जास्तीत जास्त 4 ते 5% वार्षिक परतावा मिळतो. दुसरीकडे, तुम्ही बचत खात्याऐवजी इतर योजनांमध्ये पैसे गुंतवले तर तुम्हाला वार्षिक परतावा म्हणून जास्त व्याज मिळेल.
तुमची अनेक खाती असतील तर तुम्हाला वार्षिक Maintainance शुल्क आणि Service शुल्क द्यावे लागेल. क्रेडिट कार्ड आणि डेबिट कार्ड व्यतिरिक्त बँक तुमच्याकडून इतर बँकिंग सुविधांसाठी देखील शुल्क आकारते. त्यामुळे येथे देखील तुम्हाला खूप पैसे तोटा सहन करावा लागतो.
अधिक बँकांमध्ये खाती असल्याने टॅक्स भरताना अनेक अडचणी येतात, कागदपत्रांमध्येही गुंतागुंत होते. तसेच, ITR भरताना सर्व बँक खात्यांशी संबंधित माहिती ठेवावी लागते. बऱ्याचदा स्टेटमेंटची नोंद गोळा करणे खूप गुंतागुंतीचे काम बनते आणि सर्व बँकांची माहिती दिली नाही तर, आयकर विभागाच्या रडारवर येऊ शकता.
तीन महिन्यांपर्यंत तुमच्या अकाउंटमध्ये पगार जमा झाला नाही तर ते बचत खात्यात रुपयांतरित होते. बचत खात्यात रूपांतरित झाल्यानंतर खाते बदलण्याबाबत बँक नियम बदलतात. बँकेच्या नियमांनुसार बचत खात्यात किमान शिल्लक ठेवणे आवश्यक आहे नाहीतर, तुम्हाला दंड भरावा लागू शकतो आणि बँक तुमच्या खात्यात जमा केलेल्या रकमेतून पैसे कापू शकते.
