आमिर खानच्या (Aamir Khan) ‘सितारे जमीन पर’ चित्रपटाने थिएटरमध्ये धुमाकूळ घातलाय. या चित्रपटाला प्रेक्षकांचा उत्तम प्रतिसाद मिळतोय आणि या चित्रपटानं दररोज भरघोस कोटींची कमाई केली आहे. आठवड्याच्या दिवशीही या चित्रपटानं चांगली कमाई केलीये. जाणून घेऊया या चित्रपटाने रिलीजच्या ७ व्या दिवशी किती कमाई केली ?
‘सितारे जमीन पर’ बॉक्स ऑफिसवर चांगली कामगिरी करताना दिसतोय. सोशल मीडियावरही या चित्रपटाचं खूप कौतुक केलं जातंय. ‘सितारे जमीन पर’ ने आता एक आठवडा पूर्ण केला आहे, बॉक्स ऑफिसवर धुमाकूळ घातला आहे दरम्यान, या सिनेमाने बरीच कमाई केली आहेच पण अनेक चित्रपटांचे रेकॉर्डही मोडले आहेत.
‘सितारे जमीन पर’ या सिनेमाच्या कमाईबद्दल सांगायचं तर या सिनेमाने पहिल्या दिवशी १० कोटी ७ लाख, दुसऱ्या दिवशी २० कोटी २ लाख, तिसऱ्या दिवशी २७ कोटी २५ लाख, चौथ्या आणि पाचव्या दिवशी ८ कोटी ५ लाख, सहाव्या दिवशी ७ कोटी २५ लाखांची कमाई केली आहे. सॅकनिल्कच्या सुरुवातीच्या ट्रेंड रिपोर्टनुसार, ‘सितारे जमीन पर’ने रिलीजच्या ७ व्या दिवशी ६.७५ कोटींचा व्यवसाय केला आहे. त्यामुळे या सिनेमानं ७ दिवसांत एकूण ८९.१५ कोटींचा व्यवसाय केला आहे.
‘सितारे जमीन पर’ने रिलीजच्या ७ व्या दिवशी सनी देओलच्या अॅक्शन थ्रिलर ‘जाट’च्या भारतातील ८९.५० कोटींच्या कलेक्शनला मागे टाकलं आहे. त्याचबरोबर, हा चित्रपट वर्षातील सर्वाधिक कमाई करणारा ७ वा चित्रपट बनला आहे. ‘सितारे जमीन पर’ने बॉक्स ऑफिसवर आपली पकड कायम ठेवली आहे. पहिल्या आठवड्यात या चित्रपटाने ५ कोटींहून अधिक कमाई केली. त्यामुळे, चित्रपट रिलीजच्या ७ दिवसांत सिनेमाचं बजेट वसूल करण्यापासून थोड्याच अंतरावर आहे. ‘सितारे जमीन पर’चं बजेट ९० कोटी रुपये असून दुसऱ्या शुक्रवारी हा सिनेमा बजेट वसूल करेल आणि या सिनेमाला हिटचा टॅग मिळेल.
