बॉलीवूडची ड्रीम गर्ल म्हणून ओळखल्या जाणाऱ्या हेमा मालिनी यांची वेगळी ओळख सांगण्याची गरज नाही. शोले मधून बसंतीच्या भूमिकेनं प्रेक्षकांच्या मनात घर केलं.ती भूमिका अजुनही प्रेक्षकांच्या कौतुकाचा विषय असतो. गेल्या चार दशकांहून अधिक काळ बॉलीवूडमध्ये सक्रिय असणाऱ्या हेमा मालिनी यांनी चाहत्यांसाठी एक आनंदाची बातमी शेयर केलीआहे.
२२ जानेवारी रोजी अयोध्येमध्ये राममंदिराचे उद्घघाटन आणि प्रभु श्रीराम यांची प्राणप्रतिष्ठा केली जाणार आहे. या ऐतिहासिक सोहळ्याचे साऱ्या देशाला वेध लागले असून त्यानिमित्तानं देशभरात विविध कार्यक्रमांचे आयोजन केले जात आहे. त्याच धर्तीवर १७ जानेवारी रोजी प्रसिद्ध अभिनेत्री हेमा मालिनी यांच्या कथ्थकचे सादरीकरण होत असल्याची माहिती सुत्रांनी दिली आहे.
