सध्या क्रिकेट चाहत्यांचं लक्ष इंडियन प्रीमियम लीग (IPL 2024) आगामी हंगामाकडे लागलं आहे. आयपीएल 2024 सुरु होण्याची सर्वजण आतुरतने वाट पाहत आहेत. अद्याप आयपीएल 2024 च्या तारखा जाहीर झालेल्या नाहीत. मात्र, आता आयपीएलबाबत मोठी अपडेट समोर आली आहे. आयपीएल 2024 (IPL 2024) 22 मार्चपासून सुरु होण्याची शक्यता व्यक्त केली जात आहे.
बीसीसीआयकडून आयपीएलसंदर्भात सर्व नियोजन पूर्ण झाल्याचं सांगितलं जात आहे. मीडिया रिपोर्टनुसार, भारतीय क्रिकेट नियामक मंडळ (Board of Control for Cricket in India) म्हणजेच बीसीसीआयने (BCCI) आयपीएल 2024 चं संपूर्ण प्लॅनिंग पूर्ण केलं आहे. 22 मार्चपासून आयपीएल 2024 सुरु होण्याचा अंदाज आहे, तर त्याआधी वूमन्स आयपीएल (WPL 2024) सुरु होतील. 22 फेब्रुवारीपासून वूमन्स आयपीएल (Women’s Premier Leaugue) सुरु होण्याची शक्यता आहे. क्रिकबझच्या रिपोर्टनुसार, यंदाचा आयपीएलचा 17 वा हंगाम 22 मार्चपासून खेळवण्यात येण्याची शक्यता आहे. तर आयपीएल 2024 चा अंतिम सामना 26 मे रोजी खेळवण्यात येईल, असंही सांगितलं जात आहे.
आगामी लोकसभा निवडणुकीनंतर आयपीएल 2024 सुरु होणार असल्याचं सांगितलं जात आहे. तसेच महत्त्वाचं म्हणजे आगामी लोकसभा निवडणुकीच्या पार्श्वभूमीवर आयपीएल कुठे खेळवण्यात येणार याबाबत संभ्रम कायम आहे. मात्र यंदाची आयपीएल स्पर्धा भारतामध्ये खेळवण्यात येणार असल्याचं म्हटलं जात आहे.महिला प्रीमियर लीगचा दुसरा हंगाम 22 फेब्रुवारीपासून सुरू होऊ शकतो. मीडिया रिपोर्टनुसार, WPL 2024 चा अंतिम सामना 17 मार्च रोजी खेळवला जाईल. गेल्या मोसमात हरमनप्रीत कौरच्या नेतृत्वाखाली मुंबई इंडियन्सने चमकदार कामगिरी करत विजेतेपदाच्या सामन्यात दिल्ली कॅपिटल्सचा 7 गडी राखून पराभव करून पहिलं विजेतेपद पटकावलं होत.
आयपीएलचे आयोजन भारतात होणार की परदेशात होणार, याबाबत संभ्रम कायम आहे. याआधी 2019 च्या लोकसभा निवडणुकीच्या वेळी आयपीएल हंगाम भारतात खेळवण्यात आला होता. बीसीसीआयचे उपाध्यक्ष राजीव शुक्ला यांनी सांगितलं की, ‘आयपीएल 2024 चा हंगाम भारतात खेळवला जाईल की परदेशात, सध्या या संदर्भात कोणताही निर्णय घेण्यात आलेला नाही. आम्ही सरकारशी चर्चा करू, त्यानंतर यावर अंतिम निर्णय घेतला जाईल.’
