लोकसभा निवडणुकीच्या तयारीमध्ये प्रत्येक पक्ष हा मोर्चेबांधणी करीत आहे. लोकसभेच्या कोल्हापूर, हातकणंगले मतदारसंघ काँग्रेस पक्षासाठी मागून घ्यावेत अशी मागणी पुणे येथे झालेल्या प्रदेश काँग्रेस पक्षाच्या आढावा बैठकीत कोल्हापूरच्या कार्यकर्त्यांनी केलेली आहे.
लोकसभा निवडणुकीच्या अनुषंगाने कोल्हापूर, सांगली, सोलापूर या तीन जिल्ह्यातील पक्षीय आढावा घेण्यासाठी प्रदेश काँग्रेस पदाधिकाऱ्यांची बैठक घेण्यात आली. कोल्हापूर, हातकणंगले व सोलापूर मतदारसंघ काँग्रेससाठी मागून घ्यावेत अशी मागणी यावेळी करण्यात आली.
या बैठकीत हातकणंगले मतदारसंघाची माहिती सूर्यकांत पाटील बुद्धीहाळकर यांनी तर कोल्हापूर मतदारसंघाची माहिती सचिन चव्हाण या नेते मंडळींनी दिली. दोन्ही मतदारसंघात काँग्रेस पक्षाला वातावरण चांगले असल्याचा दावा देखील करण्यात आला.
