स्वाभिमानी शेतकरी संघटनेचे नेते राजू शेट्टी (Raju Shetti) यांना महाविकास आघाडीच्या कोट्यातून उमेदवारी देण्यास विरोध केल्यानंतर जिल्हाप्रमुख पदावरून ठाकरे गटाच्या मुरलीधर जाधव यांना हटवण्यात आले.
आमदार आदित्य ठाकरे यांच्या मेळाव्यालाही अनुपस्थित राहिलेल्या मुरलीधर जाधव यांनी हुपरीमध्ये आज हिंदू सभेचे आयोजन केले आहे. या सभेच्या पोस्टरवरून पक्षप्रमुख उद्धव ठाकरे आणि आदित्य ठाकरे यांना हटवले आहे. उद्धव ठाकरे आणि आदित्य ठाकरे यांचे फोटो पोस्टरवर नसल्याने याची मोठ्या प्रमाणात चर्चा सुरु आहे.
यातच आता आमदार रोहित पवार यांनी केलेल्या एका वेगळ्या मागणीमुळे ही सभा होण्यापूर्वीच वादाच्या भोवऱ्यात सापडली आहे. आमदार रोहित पवार यांनी या सभेला सरकारने परवानगी देऊ नये, अशी मागणी केली आहे
