इचलकरंजी सतत काही ना काही स्पर्धांचे आयोजन केले जाते. या स्पर्धांना प्रतिसाद देखील मिळतो. इचलकरंजी शहर काँग्रेस कमिटीचे अध्यक्ष व माजी उपनगराध्यक्ष संजय कांबळे यांच्या ५१ व्या वाढदिवसानिमित्त इचलकरंजी येथे भव्य राज्यस्तरीय कॅरम स्पर्धा आयोजित केल्या आहेत. सदर स्पर्धा संजय कांबळे युवा मंच आणि चौंडेश्वरी युवा फौंडेशन यांचेवतीने भरविण्यात आल्या आहेत.
सदर स्पर्धा शुक्रवार ता. २ ते रविवार ता ४ फेब्रुवारी २०२४ अखेर श्रीमंत नारायणराव बाबासाहेब घोरपडे नाट्यगृह येथे होणार आहेत. सदर स्पर्धेमध्ये नागपूर, जळगाव, मुंबई, पुणे, सातारा, कराड, रत्नागिरी, कोल्हापूर, सांगली, मिरज, गोवा आणि हैद्राबाद येथील नामवंत तसेच राष्ट्रीय स्तरावरील खेळाडूंनी सहभाग नोंदविला आहे.
