सोलापुरात उद्यापासून प्रीमियर लीग स्पर्धा सुरु होणार आहे. दयानंद शिक्षण संस्थेच्या वतीने यंदा १० व १२ फेब्रुवारीदरम्यान राष्ट्रीय दयानंद हँडबॉल प्रिमियर लिग स्पर्धांचे आयोजन होत असल्याची माहिती प्रभारी प्राचार्य विजयकुमार देशमुख यांनी दिली. महर्षी दयानंद सरस्वती यांच्या २०० व्या जयंतीनिमित्त ही स्पर्धा होत आहे. देशभरात जयंतीनिमित्त कार्यक्रमाचे आयोजन केले आहे. त्याअंतर्गतच या स्पर्धा आसावा हायस्कूलच्या मैदानावर होणार आहेत.
शनिवारी १० फेब्रुवारी रोजी सायंकाळी सहा वाजता आ. विजयकुमार देशमुख यांच्या हस्ते स्पर्धेचे उद्घाटन होणार आहे. १२ फेब्रुवारी रोजी रात्री आठ वाजता पोलिस आयुक्त एम. राजकुमार यांच्या हस्ते बक्षीस वितरण होणार आहे. या हँडबॉल स्पर्धेत २३ संघांची नोंदणी झाली आहे. मोठ्या स्वरूपात बक्षिसे ठेवण्यात आली आहेत. यावेळी पत्रकार परिषदेत एस. बी. क्षीरसागर, प्रमोद कुणगुलवार आदी उपस्थित होते.
