राष्ट्रवादी काँग्रेस शरदचंद्र पवार गटाचे प्रदेशाध्यक्ष आमदार जयंत पाटील यांच्या वाढदिवसानिमित्त कासेगाव (ता. वाळवा) येथील राजारामबापू फार्मसी महाविद्यालय, माजी विद्यार्थी संघटना यांच्यावतीने शुक्रवारपासून जयंत करिअर लिग या राज्यस्तरीय क्रिकेट स्पर्धेचे आयोजन करण्यात आल्याची माहिती प्रा. डॉ. पंकज कोरे यांनी दिली.
महाविद्यालयाच्या मैदानावर २३ ते २५ फेब्रुवारी या कालावधीत जयंत पाटील यांच्या वाढदिवसानिमित्त या स्पर्धा होत आहेत. विविध जिल्ह्यांतून १६ संघ सहभागी झाले आहेत. प्राचार्य डॉ. एस. के. मोहिते, संस्थेचे सचिव प्राचार्य आर. डी. सावंत यांच्या
मार्गदर्शनाखाली स्पर्धा होत असल्याचे डॉ. कोरे म्हणाले.
