पश्चिम बंगालमध्ये ज्या पध्दतीने घटना घडत आहेत. त्या पाहता ममता बॅनर्जी यांच्यातील ‘ममता’आता संपली असून त्या क्रूर झाल्या आहेत असा आरोप मध्यप्रदेशचे माजी मुख्यमंत्री व भाजपचे राष्ट्रीय उपाध्यक्ष शिवराजसिंह चौहान यांनी येथे केला.
महासैनिक दरबार हॉलमध्ये झालेल्या भाजप पदाधिकारी, कार्यकर्ते यांच्या मेळाव्यात त्यांनी लोकसभेला महायुतीच्या उमेदवारांना विजयी करण्याचे आवाहन केेले. यावेळी खासदार धनंजय महाडिक, जिल्हाध्यक्ष विजय जाधव, राहूल देसाई, राजवर्धन निंबाळकर यांच्यासह पदाधिकारी उपस्थित होते.
