पेठ (ता. वाळवा) येथील श्री माणकेश्वर खंडेश्वर यात्रेनिमित्त आयोजित कुस्ती मैदानात प्रथम क्रमांकाच्या लढतीत पै. सिकंदर शेख (कोल्हापूर) याने टांग डावावर प्रवीणकुमार (हरयाणा) याला अस्मान दाखविले. अडीच लाख रुपये रोख इनाम व माणकेश्वर खंडेश्वर केसरी किताबाने त्याला गौरविण्यात आले.
मैदानाचे पूजन राजारामबापू साखर कारखान्याचे संचालक अतुल पाटील, कृषी बाजार समितीचे सभापती संदीप पाटील, माजी सभापती विजय पाटील, सरपंच डॉ. सुभाष भांबूरे, उपसरपंच अनंतकुमार पवार, माजी उपसरपंच जयंत पाटील यांच्या हस्ते करण्यात आले.मैदानावर लहान-मोठ्या दीडशेवर कुस्त्या झाल्या.
