पेठ तालुका वाळवा येथील माणकेश्वर खंडेश्वर यात्रेनिमित्त आयोजित बैलगाडी शर्यतीत कऱ्हाड येथील गुरुकृपा ग्रुप परिवाराच्या बैलजोडीने प्रथम क्रमांक पटकावला. एक लाख एक हजार रुपयांचे रोख पारितोषिक व स्मृतिचिन्ह देऊन विजेत्यांचा सन्मान करण्यात आला. पेठ येथे माणकेश्वर खंडेश्वर यात्रेनिमित्त यात्रा कमिटीच्या वतीने बैलगाडी शर्यतीचे आयोजन करण्यात आले होते. स्पर्धेस उत्स्फूर्त प्रतिसाद मिळाला.
स्पर्धेत कऱ्हाडच्या गुरुकृपा ग्रुप परिवाराच्या बैलजोडीने प्रथम क्रमांक पटकावला. एक लाख एक हजार रुपये आणि स्मृतिचिन्ह देऊन राजारामबापू साखर कारखान्याचे संचालक अतुल पाटील, ज्येष्ठ नेते संपतराव पाटील, बैलगाडी स्पर्धांचे अध्यक्ष भागवत पाटील, मधुकर तवटे यांच्या हस्ते त्यांना सन्मानित करण्यात आले.
