सध्या हातकणंगले लोकसभा मतदार संघ खूपच चर्चेत आहे. प्रत्येक पक्ष आपापल्या परीने मोर्चेबांधणी, प्रचार करताना पहावयास मिळत आहे. जिल्हा परिषदेचे माजी सदस्य युवा नेते डॉ. राहुल आवाडे हे हातकणंगले लोकसभा मतदारसंघातून निवडणूक लढवतील असे संकेत प्राप्त झालेले आहेत. मतदार संघामधील तीन आमदार यांच्या सोबत असणार आहेत शिवाय चार कारखानदारांची रसद त्यांना पाठबळ देण्यासाठी उभे राहण्याची शक्यता आहे.
काही संघटना त्यांना बळ देण्यासाठी पुढे येण्याच्या चर्चा सुरू झाल्या आहेत. कदाचित ते उमेदवारी अर्ज अखेरच्या दिवशी दाखल करतील असे संकेत आहेत. त्यांनी यापूर्वी शिराळा वाळवा या दोन तालुक्यात सर्वे करून घेतलेला आहे. हातकणंगले तालुक्यातील काही प्रमुखानी त्यांना बळ द्यायचे ठरवल्याचे समजून आले आहे. राहुल आवाडे यांच्याशी संपर्क साधला असता ते अंतिम निर्णय हा एक दोन दिवसात घेतला जाणार आहे आपल्याला एक मोठी ऑफर आली आहे असे ते म्हणाले.
