पूर्ववैमनस्यातून थरारक पाठलाग करून कुपवाडच्या तरुणावर एडक्याने वार करून उदगाव येथे भर दुपारी चारच्या सुमारास खून करण्यात आला. सचिन अज्ञान चव्हाण (वय २४, मूळ गाव रा. कुपवाड, जि.सांगली) असे त्याचे नाव आहे. सांगली-कोल्हापूर महामार्गावरील खोत पेट्रोल पंपासमोर असणाऱ्या घरात घुसून संशयितांनी सचिनचा गेम केला. त्याच्या डोकीत वार केला. हाताची दोन्ही मनगटे तुटली होती. रक्ताच्या थारोळ्यात तो पडला होता.घटनेनंतर तत्काळ निर्भया पथकाने संशयितांचा पाठलाग करून पकडले.
साहिल अस्लम समलीवाले (वय २६, रा.वाघमोडेनगर, कुपवाड) व परशुराम हनमंत बजंत्री (वय २५, रा. आलिशाननगर) अशी संशयितांची नावे आहेत. तर, अन्य काही संशयितांचा शोध पोलिसांकडून सुरू आहे. घटनास्थळी बघ्यांनी मोठी गर्दी केली होती.
