खासदार धैर्यशील माने यांना पुन्हा एकदा खासदार करण्यासाठी त्यांच्या मातोश्री व माजी खासदार निवेदिता माने यांनी इचलकरंजीत प्रचार सुरू केला आहे. शहरात विविध ठिकाणी त्यांचे कार्यकर्त्यांनी हलगी वाजवून स्वागत केले. विशेष म्हणजे मारवाडी समाजातील कार्यकर्त्यांनी त्यांच्या स्वागतासाठी गर्दी केली होती. त्यांनी इचलकरंजी शहरात विविध ठिकाणी भेटी दिल्या.
यावेळी त्यांनी मतदारसंघाच्या विकासासाठी खासदार धैर्यशील माने यांना मताधिक्य देण्याचे आवाहन केले. स्वर्गीय बाळासाहेब माने यांना पाच वेळा, मला दोन वेळा आणि धैर्यशीलला एक वेळ, असे सातत्याने आठ वेळा निवडून देऊन माने घराण्यावर प्रेम केलेले आहे. यापुढेही असेच प्रेम राहावे, असे आवाहन माजी खासदार निवेदिता माने यांनी केले.
