उदया मंगळवारी अंगारकी संकष्टी आहे. अनेक गणेशभक्त अगदी मनोभावे हे व्रत करीत असतात. अंगारकी संकष्टी सोहळ्यानिमित्त श्री पंचगंगा वरद विनायक भक्त मंडळातर्फे विविध कार्यक्रमाचे आयोजन करण्यात आले आहे.
मंगळवारी २५ तारखेला सकाळी ११ वाजता भक्तांना शाबू खिचडी प्रसाद वाटप, सायंकाळी पाच वाजता दत्त भजनी मंडळ, कबनूर यांचे भजन तसेच इचलकरंजी केटरर्स असोसिएशन, मंडप लाइटिंग असोसिएशन यांच्यातर्फे महाप्रसादाचे नियोजन करण्यात आले आहे.
त्यादिवशी सकाळी आठ वाजता नित्य आरती, सायंकाळी सात वाजता महाआरती, रात्री १० वाजून २१ मिनिटांनी चंद्रोदय आरतीसह दिवसभरातील सर्व कार्यक्रमांचा लाभ घेण्याचा आवाहन श्री पंचगंगा वरदविनायक भक्त मंडळाने केले आहे.
