शिक्षणाच्या प्रवाहातून बाहेर जात असलेल्या कामगार व मजूर वर्गातील तसेच गरजू व वंचित विद्यार्थ्यांना शिक्षणाच्या प्रवाहात आणण्यासाठी वेगवेगळे उपक्रम खानापूर तालुक्यातील सुलतानगादे येथील माध्यमिक प्रशालेमध्ये संस्थेचे अध्यक्ष बबनराव हसबे यांच्या मार्गदर्शनाखाली या शाळेमध्ये राबवले जात असतात.
या उपक्रमांतर्गत विद्यार्थ्यांना त्यांच्या शैक्षणिक वर्षासाठी नवीन गणवेश वाटप करण्यात आले. सुलतानगादे येथील राष्ट्रपती पदक विजेते निवृत्त पोलिस निरीक्षक बाबासाहेब गवळी यांनी वीस विद्यार्थ्यांसाठी मोफत गणवेश शाळेला उपलब्ध करून दिले आहेत. नवीन गणवेश मिळाल्याने विद्यार्थ्यांमध्ये आनंदाचे वातावरण होते. यावेळी विद्यालयाचे मुख्याध्यापक राजाराम घाडगे, सर्व शिक्षक वर्ग व विद्यार्थी उपस्थित होते.
