इचलकरंजी येथील शिरढोण येथील सेंट्रींग कामगाराचा जागीच मृत्यू झालेला आहे. इचलकरंजीतील कामगार हा जखमी झालेला आहे. दुचाकीवरून जात असलेल्या या कामगारांचा मालवाहतूक करणाऱ्या टेम्पो मधील बीमाचा डोक्याला मार लागल्याने डोक्याचा चक्कासुरा झाला यामुळे त्याचा जागीच मृत्यू झाला.
राजू ऐवळे राहणार शिरढोण तालुका शिरोळ असे मृत व्यक्तीचे नाव असून तो तोसिफ सय्यद वय वर्षे 25 राहणार कृष्णा नगर असे जखमीचे नाव आहे. तर अपघात घडल्यानंतर टेम्पोचालकाने पलायन केले.
याबाबत घटनास्थळावरून मिळालेली माहिती अशी अपघातग्रस्त दोघे सेंटरिंग कामगार असून ते बजाज डिस्कवर गाडीवरून होळकर चौकातून इंडस्ट्रियल इस्टेट मध्ये कामासाठी निघाले होते. तर इंडस्ट्रियल इस्टेट कडून इचलकरंजीकडे भरधाव येत असलेल्या मालवाहतूक टेम्पोतील बाहेर आलेल्या बिमाला दुचाकीवरून जाणाऱ्या चालकाच्या डोक्याला जोराची धडक बसली. चालक राजू अहिवळे यांच्या डोक्यातून मोठा रक्तस्त्राव झाला असून मेंदूचा अक्षरशः चेंदामेंदा झाल्याने तो जागीच ठार झाला.
तर पाठीमागील बसलेल्या तोसीब सय्यद हा देखील गंभीर जखमी झाला त्याला इंदिरानगर सामान्य रुग्णालयात उपचारासाठी दाखल करण्यात आले आहे. घटनेची माहिती समजतात शहापूर पोलीस ठाण्याचे पोलीस निरीक्षक सचिन सूर्यवंशी यांनी घटनास्थळी दाखल होऊन पंचनामा करण्याचे काम सुरू केले. तर घटनास्थळी बघ्यांनी मोठी गर्दी केली होती.
