सांगोला विधानसभा मतदारसंघातील शिवसेनेच्या पदाधिकाऱ्यांची बैठक ही सदानंद मल्टीपर्पज हॉलमध्ये घेण्यात आली होती. यावेळी पदाधिकाऱ्यांना मार्गदर्शन करताना नवी मुंबईचे जिल्हाप्रमुख तथा सांगोला विधानसभा निवडणूक प्रभारी विजय चौगुले यांनी आगामी विधानसभा निवडणुकीबाबतीत वक्तव्य केलेले आहे. सांगोल्यात शिवसेनेची ताकद भरपूर आहे कार्यकर्ता सक्षम करण्यासाठी ठोस निर्णय घेतलेले आहेत. शहाजीबापूंना 50 हजारांचे लीड द्या 100% शहाजी बापू मंत्री होतील.
शिवसेनेच्या प्रत्येक कार्यकर्त्याला बुथवर जाऊन काम करावे लागेल येणाऱ्या विधानसभा निवडणुकीत शिवसेनेचे 80 आमदार निवडून येतील. विरोधकांच्या टिकेकर दुर्लक्ष करून शहाजीबापूंना आमदार करण्याचे ध्येय डोळ्यासमोर ठेवून आगामी विधानसभा निवडणुकीत शिवसेनेचे आमदार शहाजीबापू पाटील यांना 50 हजारांच्या मताधिक्याने विजयी करण्यासाठी आतापासूनच कामाला लागण्याचे आवाहन सांगोला विधानसभा निवडणूक प्रभारी विजय चौगुले यांनी केलेले आहे.
