हातकणंगले येथील सांगली – कोल्हापूर मार्गावर असलेल्या तारा बिअर शॉपीतून चोरट्याने रोख रक्कम लंपास केली. सोळा हजार सातशे रुपये चोरी गेल्याची फिर्याद सागर शामराव पुजारी यांनी दिली. हातकणंगले येथे सांगली – कोल्हापूर मार्गावर पुजारी यांच्या मालकीचे तारा बीअर शॉपीचे दुकान आहे. सचिन कारके हा व्यवस्थापक म्हणून काम पाहतो. व्यवस्थापक हा लघुशंकेसाठी गेल्याची संधी साधून चोरट्यांने कांऊटरचा कॅश ड्रॉव्हर उघडून त्यातील १६,७०० रुपये चोरले. बीअर शॉपीतील सीसीटिव्ही कॅमेऱ्याचे फुटेज तपासले असता चोरीची घटना निदर्शनास आली. त्यात चोरटा स्पष्टपणे दिसत असल्याने सागर पुजारी यांनी हातकणंगले पोलिसात फिर्याद दिली.
हातकणंगलेत बीअर शॉपीतून सोळा हजाराची रोकड लंपास
