येडेनिपाणी (ता. वाळवा) येथील मल्लिकार्जुन यात्रा २ सप्टेंबर रोजी श्रावणातील शेवटच्या सोमवारी साजरी होत आहे. या तीर्थक्षेत्राच्या ठिकाणी मल्लिकार्जुन दर्शनासाठी गर्दी होते. त्या दृष्टीने मल्लिकार्जुन सेवाभावी मंडळ व देवस्थान समितीने यात्रेची पूर्वतयारी केली आहे. येडेनिपाणी गावाच्या दक्षिणेकडील डोंगर रांगेत श्रीक्षेत्र मल्लिकार्जुन मंदिर आहे. श्रावणातील प्रत्येक सोमवारी येथे भाविकांची मोठी गर्दी होत असते. पहाटेपासूनच अभिषेक घालण्यासाठी व दर्शनासाठी प्रत्येक सोमवारी मोठी रांग लागलेली असते. त्यातूनच दर्शन घ्यावे लागते. या श्रावण महिन्यात पाच सोमवार आलेत. आज शेवटच्या सोमवारी येथे मोठ्या प्रमाणात यात्रा भरते. हजारो भाविक दर्शनास येतात.
आज येडेनिपाणीत मल्लिकार्जुन यात्रा
