विट्यामध्ये विटा मायणी रोडवरील आदर्श महाविद्यालयाच्या प्रांगणात वैभव दादा पाटील युवाशक्ती मंचच्या वतीने वैभवपर्व दहीहंडी आयोजित केली होती आणि ही दहीहंडी चिंचणीच्या प्रभोदय गोविंदा पथकाने चित्तथरारक असे सहा मनोरे रचत दहीहंडी फोडली आहे. तब्बल साडेचार तास जमलेल्या तरुणाईने अभूतपूर्व जल्लोष यावेळी केला.
विट्याची मानाची वैभवपर्व दहीहंडी फोडणाऱ्या चिंचणीच्या प्रभोदय गोविंदा पथकास रोख बक्षीस एक लाख 9हजार 675 रुपयांचे रोख बक्षीस देण्यात आले. आगामी विधानसभा निवडणुकीच्या पार्श्वभूमीवर वैभवपर्व दहीहंडीकदडे मतदारसंघाच्या नजरा लागल्या होत्या. या वैभवपर्व दहीहंडी उत्सवाच्या माध्यमातून पाटील गटांनी जोरदार यावेळी शक्ती प्रदर्शन करत वैभवपर्वाची दहीहंडी फोडली.
या दहीहंडीत आटपाडीचे माजी आमदार राजेंद्रआण्णा देशमुख यांचे सुपुत्र माजी सभापती हर्षवर्धन देशमुख यांची प्रमुख उपस्थिती होती. त्यामुळे हर्षवर्धन देशमुख यांची उपस्थिती ही वैभवपर्व दहीहंडीचे प्रमुख आकर्षणाचे केंद्रबिंदू ठरले. त्यामुळे हर्षवर्धन देशमुख यांची उपस्थिती ही राजकीय पटलावर चर्चेचा विषय ठरली आहे.
