सगळीकडेच गणेशोत्सवाची धामधूम सुरू आहे. अनेक मंडळांमध्ये विविध कार्यक्रमांचे आयोजन देखील केले जाते. विट्यातील जय भवानी सांस्कृतिक मंडळाच्या वतीने गणेशोत्सवानिमित्त सालाबादप्रमाणे यंदाच्या वर्षी देखील जंगी नियोजन करण्यात आले आहे. उद्या गुरुवारी 12 सप्टेंबर रोजी सायंकाळी सात वाजता मंडळाच्या वतीने होम मिनिस्टर या कार्यक्रमाचे आयोजन करण्यात आले असून यावेळी घेण्यात येणाऱ्या विविध कार्यक्रमाच्या माध्यमातून महिलांना भरघोस बक्षीस देण्यात येणार आहेत. त्यानुसार प्रथम क्रमांक पटकावणाऱ्या स्पर्धकाला मानाची पैठणी देण्यात येणार आहे. तर लकी ड्रॉच्या माध्यमातून देखील महिलांसाठी भरघोस बक्षिसे यावेळी दिले जाणार आहेत. मायणी रस्त्यावरील आदर्श कॉलेजच्या पाठीमागे भवानी माळ पाटील वस्ती येथे हे विविध कार्यक्रम संपन्न होणार आहेत.सुप्रसिद्ध ॲड. विनोदराव गोसावी यांच्या मार्गदर्शनाखाली हे जंगी नियोजन करण्यात आले असून या कार्यक्रमास डॉ. शितलताई बाबर आणि सोनिया वहिनी बाबर यांच्यासह मान्यवर उपस्थित राहणार आहेत.
विट्यातील जयभवानी मंडळाचे जंगी नियोजन! महिलांसाठी भरघोस बक्षीसे!
