सध्या सर्वत्र विधानसभेचे वारे वाहू लागले आहे. त्यामुळे सर्वच राजकीय पक्षांमध्ये हालचालींना वेग आलेला पाहायला मिळत आहे. विधानसभा निवडणुकीची आचारसंहिता दोन चार दिवसात लागण्याची शक्यता राजकीय वर्तुळात व्यक्त केली जात आहे. त्यामुळे अत्यावश्यक कामे तातडीने मार्गी लावण्याच्या सूचना आयुक्त ओमप्रकाश दिवटे यांनी विविध खात्यांचे प्रमुख व अधिकारी वर्गाला दिलेले आहेत. त्यामुळे आचारसंहिता लागण्यापूर्वी विविध कामांचे प्रस्ताव पाठविणे, विविध कामांना मंजुरी मिळवून घेणे, विविध कामांचे मक्तेदारांना वर्क ऑर्डर देणे आधी कामांना वेग आलेला पाहायला मिळत आहे. या सर्व कामामुळे अधिकारी, कर्मचारी वर्ग कामात व्यस्त असल्याचे दिसून येत आहे.
आचारसंहितेच्या धास्तीमुळे इचलकरंजी महानगरपालिकेच्या विविध कामांना वेग
