सध्या विधानसभा निवडणुकीची रणधुमाळी सुरू आहे. जागा वाटपासाठी प्रत्येक पक्षात पेच निर्माण झालेला आहे. कोणत्या मतदारसंघातून कोणाला उमेदवारी मिळणार याकडे सर्वांचेच लक्ष लागून राहिलेले आहे. सांगोला मतदारसंघात अजित पवारांच्या राष्ट्रवादीला रामराम करत मा. आमदार दीपकआबा साळुंखे हे काही दिवसांपूर्वी ठाकरे सेनेत दाखल झाले आहेत.
सांगोला मतदारसंघात यंदा मशाल पेटवायची असा चंग बांधला असून ठाकरेंनीही शहाजीबापू पाटील विरोधात दीपकआबा साळुंखे यांना उमेदवारी देण्याचे संकेत दिलेत. या मतदारसंघात विद्यमान आमदार शहाजी पाटील हे महायुतीचे उमेदवार असतील हे जवळपास निश्चित झालेले आहे.
