खानापूर विधानसभा मतदारसंघातील महायुतीचे अधिकृत उमेदवार सुहासभैया बाबर यांच्या प्रचारार्थ डॉ. शितल बाबर यांनी भाळवणी परिसरात झंझावती प्रचार दौरा केला. त्यांच्या दौऱ्याला उस्फूर्त प्रतिसाद देखील मिळालेला आहे. आमदार अनिलभाऊ आपल्यातून निघून गेले आहेत असे मी म्हणणार नाही.
विचाराने ते आपल्या सोबत कायम आहेत. हे सगळे चेहरे भाऊंचेच आहेत आणि सगळ्यात मोठा चेहरा सुहास भैयांच्या रूपाने आपण निवडणुकीसाठी उभा केलेला आहे. सर्वांच्या आशीर्वादाने गुलाल आपलाच आहे.अनिलभाऊंचाच विचार घेऊन मी देखील प्रचारासाठी उतरले आहे.
या पुढची जबाबदारी आपल्या सर्वांच्या खांद्यावर आहे आणि हीच जबाबदारी पेलण्याची ताकद आपण सर्वांनी सुहास भैयांच्या पाठीशी उभी करावी असे भावनिक आवाहन संजय गांधी निराधार योजनेच्या अध्यक्षा डॉ. शीतल अमोल बाबर यांनी केले.
