कारंदवाडी (ता. वाळवा) येथे झाडावरून पडून गंभीर जखमी झालेल्या शंकर हुसेन ऐवळे (वय 46) या शेतकर्याचा मृत्यू झाला. आष्टा पोलिस ठाण्यात घटनेची नोंद झाली आहे.याबाबत पोलिसांनी दिलेली अधिक माहिती अशी की, कारंदवाडी येथील शंकर ऐवळे हे 30 ऑक्टोबर रोजी सकाळी 10.30 वाजता झाडावरून पडल्यामुळे डोक्याला मार लागून गंभीर जखमी झाले होते.
त्यांचा मुलगा सचिन ऐवळे याने त्यांना तातडीने उपचारासाठी सांगली येथील खासगी रुग्णालयात दाखल केले होते. पण उपचार सुरू असतानाच शुक्रवारी त्यांचे निधन झाले. याबाबत डॉ. देवदत्त पाटील यांनी वर्दी दिली आहे. आष्टा पोलिस अधिक तपास करीत आहेत.
