आगामी विधानसभा निवडणुकीचे मतदान हे बुधवारी म्हणजेच 20 नोव्हेंबरला होणार आहे. निवडणूक प्रचारासाठी खूपच कमी वेळ असल्याकारणाने नेते मंडळींची प्रत्येक मतदारसंघांमध्ये धावपळ सुरू असलेली पाहायला मिळत आहे. आष्टा शहरात रविवारी १७ नोव्हेंबर इस्लामपूर विधानसभा मतदार संघातील महाविकास आघाडीचे उमेदवार आ. जयंत पाटील यांची
जाहीर सभा होणार आहे.
ही सभा सायंकाळी ६ वाजता काकासो शिंदे भाजी मंडई येथे होईल. निवडणूक कार्यक्रम लागल्यानंतर आ. जयंत पाटील यांची ही आष्टा शहरात पहिलीच सभा होणार आहे. 9 नोव्हेंबर रोजी आष्टा येथे निशिकांत भोसले पाटील यांच्या प्रचारार्थ अजित पवार यांची जाहीर सभा झाली होती. या सभेत अजित पवार यांनी साखर कारखाना, ऊस दर, एम आय डी सी, पाणी, ड्रेनेज, पोलीस ठाणे, बस स्थानक, रस्ते, विकास कामे, राजकीय कुरघोड्या आदी बाबत केलेल्या आरोपांना जयंत पाटील आपल्या शैलीत कसे व काय उत्तर देणार याकडे मतदारसंघाचे लक्ष लागून राहिले आहे.
