महिलांसाठी सम्बोधी फौंडेशन राबवत असलेले उपक्रम कौतुकास्पद असून महिलांच्या आरोग्यासाठी योगा महत्वाचे आहे. महिलांनी कुटुंबाच्या जबाबदारी बरोबर आरोग्याची काळजी घेणे आवश्यक आहे. त्यासाठी महिलांनी आरोग्यदृष्ट्या समक्ष राहण्यासाठी रोज योगा करावे , असे आवाहनही वाळवा पंचायत समितीच्या माजी उपसभापती भाग्यश्रीताई शिंदे यांनी केले .आष्टा येथील सम्बोधी फौंडेशन आयोजित ३० दिवसीय योगा अभ्यास शिबिराच्या सांगता समारंभात त्या बोलत होत्या . कार्यक्रमाच्या अध्यक्षस्थानी उज्ज्वला पाटील या होत्या . शिबिरामध्ये डॉ. भारती तुकाराम साकेकर यांनी मार्गदर्शन केले. समारंभात सम्बोधी फौंडेशनचे अध्यक्ष मनिष साकेकर यांनी फौंडेशनच्या विविध सामाजिक उपक्रमांचा आढावा घेतला. याप्रसंगी स्वरांगी कांबळे , स्वप्नील सुजाता वीरभक्त , रंजना सुधा कांबळे , उषा कांबळे , अक्षय वरणे उपस्थित होते. रोहन कांबळे यांनी आभार मानले .
महिलांच्या आरोग्यासाठी योगा महत्वाचे – भाग्यश्रीताई शिंदे
