कोल्हापूर जिल्ह्यातील दहा मतदारसंघांत ‘बाजीगर’ कोण होणार, ते बुधवारी मतदान यंत्रांत बंद होईल. सर्व मतदारसंघांत चुरशीच्या लढती होत आहेत. इचलकरंजीत राहुल आवाडे भाजपचे उमेदवार म्हणून पहिल्यांदाच निवडणुकीला सामोरे जात आहेत. शरद पवार राष्ट्रवादीचे उमेदवार मदन कारंडे यांच्याशी त्यांची लढत होत आहे.
महाविकास आघाडीकडून येथे इच्छुकांची संख्या खूप होती; मात्र बहुतेकांनी रिंगणात न उतरण्याचा निर्णय घेतला, तर आपल्या मुलासाठी विद्यमान आमदार प्रकाश आवाडे यांनी स्वतः थांबण्याचा निर्णय घेतला. या पार्श्वभूमीवर इचलकरंजीत चुरशीची लढत होत आहे
