श्री बाहुबली ब्रह्मचर्याश्रम व श्री बाहुबली विद्यापीठ, बाहुबली येथे १९ डिसेंबर रोजी प.पू. गुरुदेव १०८ श्री समंतभद्र महाराज यांच्या १३३ व्या जयंतीनिमित्त विविध कार्यक्रम आयोजिले आहेत. यामध्ये सकाळी ७:३० वा.गुरुदेवांच्या प्रतिमेची मिरवणूक, यानंतर बाहुबली ब्रह्ममूर्तीचा चरणाभिषेक होणार आहे. त्यानंतर गुरुदेवांच्या समाधीस्थळी पूजन व इष्टोपदेश पठण होणार आहे. सकाळी ९:३० वाजता विनयांजली सभा आयोजित केली आहे. या कार्यक्रमाचे अध्यक्ष श्री बाहुबली ब्रह्मचर्याश्रम व विद्यापीठचे महामंत्री डी.सी. पाटील हे असणार आहेत. विशाल उद्योग समूहाचे अध्यक्ष अजित शेटे, माईंड ट्रेनर विठ्ठल कोतेकर हे प्रमुख अतिथी असतील. कार्यक्रमास बाहुबली विद्यापीठचे अध्यक्ष प्रकाशराव आवाडे, सनतकुमार आरवाडे, धनराज बाकलीवाल, अरविंद दोशी, डॉ. बाळासाहेब चोपडे, श्रीधर हेरवाडे, बाबासाहेब पाटील हे उपस्थित राहणार आहेत.
समंतभद्र महाराज यांच्या जयंतीनिमित्त उद्या विविध कार्यक्रम
