चंदूर-आभार फाटा परिसर रुई हद्दीमध्ये गट नंबर ७८१ मध्ये फिरोज ढालाईत यांच्या मालकीचे गोडाऊन आहे. यामध्ये भाडेकरू रोहित केसरवानी यांचा आर. के. ट्रेडर्स या फर्मचा पावरलूम वेस्ट व्यवसाय आहे. सायंकाळच्या सुमारास गोडावूनमधून अचानक धूराचे लोट बाहेर आल्यामुळे परिसरात एकच खळबळ उडाली. आगीची माहिती मिळताच इचलकरंजी, हातकणंगले, कोल्हापूर व जवाहर साखर कारखाना यांच्या अग्निशमन दलाने आग आटोक्यात आणली.
पावरलूम वेस्टच्या गोदामास आग लागून सुमारे तीन लाखाचे नुकसान झाले. सुदैवाने कोणतीही जीवितहानी झाली नाही. आगीचे कारण समजू शकले नाही. याबाबत हातकणंगले पोलीस ठाण्यामध्ये रात्री उशिरापर्यंत नोंद झाली नव्हती.
