मुंबई- ‘वेव्हज २०२५’ ची १ मे रोजी सुरुवात झाली आहे. या शिखर परिषदेत चित्रपटसृष्टीतील अनेक मान्यवर सहभागी होत आहेत. या कार्यक्रमाच्या दुसऱ्या दिवशी बॉलिवूडचा मिस्टर परफेक्शनिस्ट आमिर खान आणि करीना कपूर खान यांच्यानंतर, श्रद्धा कपूरनेही इंस्टाग्राम हेड अॅडम मोसेरी यांच्याशी गप्पा मारल्या. यावेळी श्रद्धा कपूरने मोसेरीशी जेन झी सोशल मीडियावर कशा प्रकारे कंटेंट वापरतात यावर चर्चा केली. विशेष म्हणजे अभिनेत्री श्रद्धा कपूरने ॲडम मोसरींचे महाराष्ट्राची शान असलेली घरची पुरणपोळी (Puranpoli) खाऊ घालून स्वागत केले.
ॲडम मोसेरींनी घेतला पुरण पोळीचा आस्वाद
या गप्पांचे सेशन सुरू होण्यापूर्वी अभिनेत्री श्रद्धा कपूरने इन्स्टाग्रामचे प्रमुख ॲडम मोसेरी यांचे स्वागत केले. अभिनेत्रीने त्यांच्यासाठी घरी बनवलेली पुरणपोळी (Puranpoli) आणली होती. अभिनेत्री म्हणाली, ‘मला माहित आहे की तुम्ही फॅन्सी ठिकाणी जेवता आणि तुम्ही भारतीय जेवण चाखले आहे.’ मला तुम्हाला ही महाराष्ट्रीयन गोड पदार्थ “पूरण पोळी” खाऊ घालायची आहे. ही माझ्या घरी बनवली आहे. यानंतर अॅडम मोसेरी यांनीही ते खूप आवडीने चाखले.
रणवीरने दीपिकासोबत जेवण.
बुधवारी संध्याकाळी अॅडम मोसेरीने बॉलिवूडमधील पॉवर कपल रणवीर सिंग आणि दीपिका पदुकोणसोबत डिनर केले. ते मुंबईतील एका रेस्टॉरंटमध्ये रणवीर-दीपिकासोबत दिसले. मोसेरीने इंस्टाग्रामवर डिनर आउटिंगचा एक सेल्फी देखील शेअर केला. फोटोला कॅप्शन देताना मोसेरींनी लिहिले की, ‘आज संध्याकाळी मुंबईत दीपिका पादुकोण आणि रणवीर सिंग या पॉवर कपलला भेटण्याचा आनंद मला मिळाला आणि काही उत्तम जेवणाची चवही चाखता आली.’
श्रद्धा कपूरच्या आगामी कामाबद्दल बोलायचे झाले तर, ती निखिल द्विवेदी यांच्या ‘नागीन’ चित्रपटात दिसणार आहे. ती शेवटची ‘स्त्री २’ चित्रपटात दिसला होता. या चित्रपटात त्याच्यासोबत राजकुमार राव, अभिषेक बॅनर्जी, अपारशक्ती खुराणा आणि पंकज त्रिपाठी हे कलाकारही होते. २०२७ मध्ये श्रद्धा पुन्हा एकदा मॅडॉक सुपरनॅचरल युनिव्हर्समध्ये काम करणार असल्याचे म्हटले जाते.
