आटपाडी येथील कृषी उत्पन बाजार समितीच्या मुख्य बाजार आवारात शनिवारी आठवडी शेळी – मेंढी बाजारात बकऱ्याला विक्रमी भाव मिळाला. मेथवडे येथील शंकर माळी यांच्या बकऱ्याला तब्बल ३ लाख ३१ हजार रुपयांचा विक्रमी दर मिळाला. हा बकरा पिलीव येथील रवींद्र घुले यांनी खरेदी केला.
बाजारात ४ते ४. ५ कोटी रुपयांपर्यंतची उलाढाल झाली . अनेक शेतकऱ्यांना बकरे – बोकडांना चांगले दर मिळाले. बाजारात वाढती आवक आणि दरांमध्ये स्थिरता पाहता शेतकरी समाधानी असल्याचे चित्र होते.
आटपाडी येथील शेळ्या-मेंढ्यांच्या बाजारात दक्षिण महाराष्ट्र आणि कर्नाटकातील शेतकरी आणि व्यापारी हजेरी लावतात.
बाजार समितीचे सभापती संतोष पुजारी, संचालक सुबराव पाटील , कैलास देवडकर , भीमराव पुजारी, नामदेव भिसे, शिवाजी काळे, मोहन कोरे, हरी पाटील, बाबू जरग, सुनील जरग,सुरेश शिंगटे,नाना पुजारी,आप्पा खरात,आदींसह व्यापारी मोठ्या संख्येने उपस्थित होते.
