येथील रायगड नागरी सहकारी पतसंस्थेतर्फे ७९ व्या स्वातंत्र दिनानिमित्त संस्थापक चेअरमन संभाजी सूर्यवंशी यांच्या संकल्पनेतून २००० हून अधिक सिडबॉलचे (Seedballs) बीजारोपण करून वृक्षारोपणसारखा अभिनव उपक्रम राबविण्यात आला .
राज्य शासनाच्यावतीने ३३ कोटी वृक्षलागवड योजना राबविण्यात येत आहे. याअंतर्गत शासकीय , निमशासकीय कार्यालय , सामाजिक संस्था , संघटनांच्या माध्यमातून खुल्या जागांवर , डोंगरांवर , रस्त्याच्या दुतर्फा वृक्ष लागवड करणे काळजी गरज आहे. यामध्ये आपलाही खारीचा वाटा राहावा , या हेतूने रायगड नागरी सहकारी पतसंस्थेच्यावतीने सीड बॉल तयार केले व ते तयार केलेल्या सीड्स बॉलचा वापर वृक्षारोपणासाठी करण्यात आला. या कार्यक्रमासाठी रायगड बहुउद्देशीय सेवाभावी संस्थेचे अध्यक्ष तुषारराजे सूर्यवंशी , अप्पासाहेब नायकवडी , जयकुमार रुकडे श्रीपाल खोत , प्रकाश इंगवले , संजय झटकरकर , प्रभाकर जाधव ,आप्पासो माळी उपस्थित होते.
