उद्या सोमवार दि. २२ जानेवारी २०२४ रोजी अयोध्या येथे रामलल्ला च्या मुर्ती ची प्रतिष्ठापणा होत आहे, या निमित्ताने इस्लामपुर शहरात सकल हिंदु समाजाच्या वतीने विविध धार्मिक कार्यक्रमाचे, महाआरतीचे व शहरातील प्रमुख मार्गावरुन शोभा यात्रेचे आयोजन करण्यात आले आहे. कार्यक्रमाच्या निमित्ताने शहरात विद्युत रोषणाईसह शहरातील प्रमुख मार्गावर भगवे ध्वज, भगव्या पताका व झालर लावुन शहरातील वातावरण भगवेमय व भक्तीमय केले आहे.
आज रविवार दि. २१ जानेवारी २०२४ रोजी सायंकाळी ४ वा. छत्रपती शिवाजी महाराज चौकातून शोभा यात्रेला सुरुवात होणार आहे, श्री रामा ची मुर्ती अशा स्वरुपात हि शोभा यात्रा छत्रपती शिवाजी महाराज चौकातून सुरु होऊन, महावीर चौक, गांधी चौक, संभाजी चौक, काशी विश्वेश्वर मंदीर, गणेश मंडई, गांधी चौक, यल्लामा चौक ते पुन्हा छत्रपती शिवाजी महाराज आश्वारुढ पुतळा (शिवतीर्थ ) येथे शोभायात्रेचा समारोप होणार आहे. या शोभा यात्रेमध्ये सर्व समाजातील रामभक्त मोठ्या संख्येने सहभागी होणार आहेत.
याचबरोबर सोमवार दिनांक २२ जानेवारी २०२४ सकाळी ११:०० वाजता यल्लमा चौक येथे महाआरती सर्व धर्मातील १५० सौग्यवतींच्या हस्ते करण्यात येणार आहे. यावेळी रामभक्तासाठी महाप्रसादाचे आयोजन करण्यात आले आहे.
यावेळी बोलताना संजय भागवत म्हणाले रामभक्तांनी मोठ्या संख्येने उपस्थित राहावे असे आवाहन त्यांनी माध्यमाशी बोलताना केले.
