विटा हे शहर सगळीकडेच नावारूपास आहे. अनेक विविध उपक्रम विटा मध्ये राबविले जातात. नाणि पीठाचे रामनंदाचार्य श्री स्वामी नरेंद्र महाराज यांचा पादुका दर्शन सोहळा विटा येथे बुधवार, दि. ७ रोजी होत असून यानिमित्त विविध धार्मिक कार्यक्रमांचे आयोजन करण्यात आले आहे. नाणि पीठाचार्य श्री स्वामी नरेंद्र महाराज यांच्या पादुका बुधवारी सकाळी ९ वाजता विटा येथील साळशिंगे रस्त्यावरील महात्मा गांधी विद्या मंदिरच्या प्रांगणात येणार आहेत. सकाळी ९ वाजता पादुकांची शहरातून
मिरवणूक काढण्यात येणार आहे.
संत पीठावर पादुकांचे आगमन झाल्यानंतर गुरूपूजन, आरती, प्रवचन, उपासक दीक्षा, दर्शन व पुष्पवृष्टी आदी धार्मिक कार्यक्रम होणार आहेत. श्री स्वामी नरेंद्र महाराज संस्था विविध सामाजिक उपक्रम राबवीत असून संस्थेने गोरगरीब विद्यार्थ्यांना मोफत शिक्षण, शैक्षणिक साहित्यांचे वाटप केले आहे. अंधश्रद्धा निर्मूलनाचा उपक्रम हाती घेण्यात येत आहे. भाविकांनी सोहळ्याचा लाभ घ्यावा, असे आवाहन करण्यात आले आहे.
