सध्याच्या काळात अपघातांच्या प्रमाणात खूपच वाढ झालेली पहायला मिळत आहेच. वेगवेगळ्या करणामुळे हे अपघात अनेकांचे प्राणही घेतात. असाच एक अपघात आष्टा इस्लामपूर मार्गावर घडलेला आहे. आष्टा-इस्लामपूर मार्गावर बावची (ता. वाळवा) फाट्यानजीक मोटार आणि दुचाकीची समोरासमोर जोरदार धडक झाली. यामध्ये मोटारीचे नुकसान झाले.
या धडकेत दुचाकीस्वार संतोष जगन्नाथ कुंभार (वय ३०, रा. कामेरी, ता. वाळवा) हे गंभीर जखमी झाला आहे. हा अपघात शुक्रवारी दुपारी चारच्या सुमारास झाला. याप्रकरणाचा पोलिस तपास करत आहे.
पोलिसांनी दिलेली माहिती अशी की, जखमी संतोष कुंभार हे कामेरी येशन आष्टा येथील बाळूमामाच्या
दर्शनासाठी दुचाकी (एमएच १० एए १६८७) वरून आले होते. दर्शन घेऊन कामेरीकडे परतत असताना ओव्हरटेक करण्याच्या प्रयत्नात बावची फाट्यानजीक समोरून येणाऱ्या मोटार (एमएच १० डीजी ४५४८) ला जोरदार धडक दिली. या धडकेत कुंभार गंभीर जखमी झाले. त्यांच्या हातापायासह डोक्याला गंभीर मार लागला असून, इस्लामपूर येथील प्रकाश रुग्णालयात उपचार सुरू आहेत. अधिक तपास हवालदार अशोक जाधव व दीपक पाटील करीत आहेत.
