अलीकडच्या काळात घरफोडीच्या चोरीच्या प्रमाणात खूपच वाढ झालेली आपणास पहायला मिळते. अनेक चोरटे बंद घर बघुन त्या घरावर डल्ला मारतात. तारदाळ येथील बंद घराचे कुलूप तोडून अज्ञात चोरट्यांनी १ लाख २० हजाराचे सोन्याचे दागिने लंपास केले. याबाबत शहापूर पोलीस ठाण्यात नोंद झाली आहे.
फिरोज नदाफ आणि त्यांचे कुटुंबिय श्रीरामनगर, तारदाळ येथे वास्तव्यास आहेत. नदाफ कुटुंबिय १७ फेब्रुवारीला सायंकाळी जयसिंगपूरला गेले होते. ते रविवार परतले असता घराचे कुलूप तोडल्याचे निदर्शनास आले. घरात पाहणी केली असता २५ ग्रॅमचा सोन्याचा राणीहार, ५ ग्रॅमची माळ व ३ ग्रॅमचे सोन्याचे टॉप्स असे सोन्याचे दागिने चोरट्यांनी लंपास केल्याचे स्पष्ट झाले.
