पट्टणकोडोली (ता. हातकणंगले) येथील आर. जी. मळा रोडवर असलेल्या माऊली इंटरप्रायजेस या दुकानाचे कुलुप काढून अज्ञात चोरट्यांनी धाडसी चोरी केली आहे. अंदाजे २ लाख ५० हजार रुपयांहून अधिक मुद्देमाल लंपास केला आहे. पट्टणकोडोली परिसरात खळबळ उडाली आहे. घटनास्थळावर ठसे तज्ञासह श्वानपथक दाखल झाले होते.ही काल मध्यरात्रीच्या सुमारास घडली आहे. सकाळी दुकानातील कामगार दुकान उघडण्यास आले असता कुलुप काढलेले दिसून आले यावेळी मालकाकडे एकच किल्ली असताना कुलुप कसे काढले म्हणून मालकांना फोन केला असता घडला प्रकार समोर आला याची माहिती मिळताच हुपरी पोलीसांनी घटनास्थळी धाव घेतर्ली. यावेळी अज्ञात चोरट्यांनी दुकानातील कास्टिंग जॉबचे २५९ नग लंपास करुन अंदाजे २ लाख ५० हजार रुपयांहून अधिक मुद्देमाल लंपास केल्याचे दिसून आले यावेळी श्वानपथकासह डीबी पथक घटनास्थळी दाखल झाले मात्र चोरांचा माग कळून आला नाही
घटनास्थळी वरिष्ठ अधिकाऱ्यांनी भेट देऊन पाहणी केली व योग्य त्या सूचना दिल्या या घटनेने पट्टणकोडोली परिसरात खळबळ उडाली असून अशोक बाळा जाधव (वय ५९ रा. जुने एसटी स्टँड पट्टणकोडोली) यांच्या फिर्यादीवरून हुपरी पोलिस ठाण्यात अज्ञात चोरट्याविरुद्ध गुन्हा नोंद झाला आहे.
