वाळवा तालुक्यातील कामेरी येथील सावित्री महिला मंडळ, यांचे वतीने गुरुवारी (दि. ७) व शुक्रवारी (दि. ८) रोजी माजी सरपंच स्व. भीमराव पाटील (अण्णा) यांच्या पुण्यतिथीनिमित्त व जागतिक महिला दिनाचे औचित्य साधून विविध स्पर्धांचे आयोजन केले आहे, अशी माहिती कार्यवाह डॉ. सौ. स्मिता पाटील यांनी दिली.
‘स्मार्ट सासूबाई मी कामेरी’ची व ‘स्मार्ट सुनबाई मी कामेरी’ची ही एक अनोखी स्पर्धा आयोजित केली आहे. स्पर्धेतील विजेत्यास पैठणी व मानाचा मुकुट स्पॉट गेम ३० बक्षिसे, १० लकी ड्रॉ विजेत्यांना सेमी पैठणी अशी बक्षिसे देणार आहेत. तर सायंकाळी ६ वा. गप्पा, गाणी, नृत्य, विनोद, उखाणे सोबतच नवनवीन गेम्स स्पर्धा होणार आहेत. ७ मार्च रोजी सायं. ९ वा सुनीता मानसिंगराव नाईक यांच्या हस्ते याचा बक्षीस वितरण समारंभ होणार आहे. ८ रोजी संध्याकाळी ८ वा. सत्यशोधक चित्रपट दाखविण्यात येणार आहे.
